जोबनियो जातो रियो चेतावनी भजन लिरिक्स | Jobniyo Jato Riyo Chetawani Bhajan Lyrics

जोबनियो जातो रियो चेतावनी भजन लिरिक्स

जोबनियो जातो रियो अब,
आई बुढ़ापा री वार रे ।
वे दिनड़ा जाता रया अब,
आई बुढ़ापा री वार रे ।।

जन्म्यो उंडी ओरियां जद,
बाज्या सोवणियां थाल रे ।
भुआ भतीजों हुलरावियो,
घर – घर मंगला चार रे ।।

जोबनियो जातो रियो..

पाँच बरस रो होवियो,
दड़ियां रमवा जाय रे ।
नितरा लावतो ओलभा,
घर – घर री लावतो राड़ रे ।।

जोबनियो जातो रियो..

बरस पचीसों रो होवियो,
अब लारे लूम्बाली नार रे ।
टाबर – टूबर मोकला,
जिवड़ो पड्यो जंजाल रे ।।

जोबनियो जातो रियो..

भरी हथायां बैठता,
अब कोई न पूछे वात रे ।
हिंगलू ढोलिये पोढता,
अब नहीं माचलियो में वाण रे ।।

जोबनियो जातो रियो..

बहुआं छोड्या घूघटा,
अब बेटा छोड़ी काण रे ।
ऊना भोजन जीमता,
अब ठाडा टुकड़ा खाय रे ।।

जोबनियो जातो रियो..

जन्तर पड़गा जोजरा,
ढीला पड़िया हाड रे ।
जाट रूप जी बोलिया,
परा लबद री बात रे ।।

जोबनियो जातो रियो अब,
आई बुढ़ापा री वार रे ।
वे दिनड़ा जाता रया अब,
आई बुढ़ापा री वार रे ।।

Jobniyo Jato Riyo Chetawani Bhajan Lyrics

Jobniyo Jato Riyo Ab,
Aai Budhapa Ri Var Re ।
Ve Dinda Jata Raya Ab,
Aai Budapa Ri Var Re ।।

Janmyo Undi Oriya Jad,
Bajya Sovniya Thal Re ।
Bhua Bhatijo Hulraviyo,
Ghar Ghar Mangala Char Re ।।

Jobniyo Jato Riyo..

Panch Baras Ro Hoviyo,
Dadiya Ramva Jay Re ।
Nitra Lavto Olba,
Ghar Ghar Ri Lavto Rad Re ।।

Jobniyo Jato Riyo..

Baras Pachiso Ro Hoviyo,
Ab Lare Lumbali Nar Re ।
Tabar Tubar Mokla,
Jivdo Padyo Janjal Re ।।

Jobniyo Jato Riyo..

Bhari Hathaya Bethata,
Ab Koi N Puche Vat Re ।
Hinglu Dholiye Podta,
Ab Nhi Machliyo Me Var Re

Jobniyo Jato Riyo..

Bahua Chodya Ghunghta,
Ab Beta Chodi Kan Re ।
Una Bhojan Jimta,
Ab Thada Tukda Khay Re ।।

Jobniyo Jato Riyo..

Jantar Padga Jojra,
Dhila Padiya Had Re ।
Jat Rup Ji Boliya,
Par Labad Ri Baat Re ।।

Jobniyo Jato Riyo Ab,
Aai Budhapa Ri Var Re ।
Ve Dinda Jata Raya Ab,
Aai Budapa Ri Var Re ।।